musicaire

Ballado d’Aram


Pourtissoun


Ame la vido, ame lou sang
Que gisclo e coulo dins li veno,
Ame li cor nervous e san
Dins qute l’energio aveno,
Ame d’ague ma libro aleno,
Ame la lucho e li assaut :
Di reire moun amo ei feleno
Siéu testard e siéu prouvençau!

Lou grand soulèu se cabussant
Dintre si rai d’or m’enlabreno ;
Ahisse l’oumbrun alassant
Dóu Nord tristas que nous embreno ;
Ahisse coume de cadeno
Li pantaiage senso sau
Di fenientas plen de coudèno :
Siéu testard e siéu prouvençau!

Au tron la preiero e li sant !
Au tron li plour di madaleno !
Vivo li valerous versant
Tout l’estrambord que lis aleno !
Tau qu’un luchaire dins l’areno
O, lucharai, e dins un saut
Prendrai la glòri pèr le treno :
Siéu testard e siéu prouvençau!


Mandadis

Prince,n l’amour dóu grand me meno ;
Ma deviso ei : sempre plus aut !
Ma voulounta ! …res l’entameno :
Siéu testard e siéu prouvençau!


Valèri Bernard 1883