musicaire

E se vous parlave de Leoun Alègre


Leoun Alègre nascu à Bagnòu lou 14/12/1813 defuntè à Bagnòu lou 27/11/1884.
Leoun Alègre a touca emé bounur i bèus art : à l’arquéoulougio, au Felibrige, à l’istòri loucalo à la pedagougio.
Pèr lou felibrige, fai partido di 50 felibre proumié, ço disié pas’encaro majourau. S’atrobo à la 17° plaço dins la tièro de l’istòri. De la lenguistico à l’arcaioulougio.
Sèmblo bèn qu’éi présent à la Santo Estello d’Avignoun ounte fai un pichot pouemo pèr dono Mistral lou 21/05/1877, lou vaqui :

A dono Frederi Mistral

A tu Soubeirano tant bello
Dis Isclo d’or
Porge, uei, jour de Santo Estello
Emé moun cor
Un caialet di bord de Cése
Mounte ai trima
Uno Isclo vèrdo ounte iéu vése
Toun vrai retra
Uno Isclo de jouvenço, uno Isclo de bèuta.

L. Alègre

Escriéu la festo di felibre qu’aguè liò de segur à Bagnòu en 18756 se me fise à la signaturo de l’obro.
Pense que Fréderi Mistral, Roumanillo èron présent à la festo.


Léou Alègre a escri dins lis Armana Prouvençau :

1861 : Li darboun,1862 : Garidet, 1863 :lou credi, 1864 :a Garidet, 1865 : li dous chivau,1866 : li dos mesuro e encaro li campano de Bagnòu.
A Bagnòu es èu lou foundadoudú museo, a créa la biblioutéco a oubra dins de noumbrouso souciéta.
Areçaupu li palmo academico en 1869 e la crous de la legioun d’ounour lou 14/0701883.
Reçaup de noumbrouso felicitacioun e uno carto de visito signado de Fredéri Mistral e sa mouié à l’esquino de la carto escrit aquèu quatrin :
Alègre ! Alègre !
Ounou ! Ounou !
Que noste segnour
Longomai t’alègre !

Ramoun FABRE Mestre d’Obro dóu Felibrige ( sourço biblioutéco de Bagnòu )