musicaire

Ai reçaupu li vot verinous d'un abouna au Rampèu.
O, aquèu descendènt liunchen de troubaire trovo lou Rampèu un pau trop à la pourtado di gènt dóu coumun, trovo que ié manco d'obro de poueto dóu relarg.
Aqui, coumprene que i'a agu uno campagno pèr que la nosto assouciacioun cabusso. Es verai qu'avèn agu de demissioun o de gènt que se soun desabouna dóu Rampèu.
Crese que pèr que nosto pichoto revisto senso pretencioun agrado à touto meno de gènt, fau pas lis encougourda emé de teste coumplica. Lou tèms di troubaire es passa e bèn passa, sian au siècle vingt-e-un.
Se voulèn pas que nosto lengo s'esvalisse, fau pas rebuta aqueli que la tènon pas dóu brès
Aro, gràçi à Diéu e subretout gràçi is ami de la lengo d'o l'assouciacioun se porto bèn.
Lis ami vertadié soun resta. Que m'enchau di marrido lengo o di pisso-vinaigre, se dison manteneire de la lengo e passon soun tèms à assaja de faire toumba lis assouciacioun que defendon la lengo !
Nautre sian , simplamen de gènt apassiouna, dounan pas de counsèu, dounan de nosto tèms, fasèn de vihado coume à passa tèms, e acó agrado à nostis ami.
Dins d'uni assemblado, de gènt que se creson saberu fan de bello charadisso (souvènti-fès en franchimand), se garrouion pèr avedre d'ounour e lou resto dóu tèms de que fan ?
Saran pas critica coume nautre sus la tenour de sa revisto, de revisto n'avèn ges vist.
Li garrouio pèr avedre d'ounour nous enfeton, basto! n'avèn proun d'aqueli dounaire de leiçoun, sian urousamen pas dóu meme mounde.
Sian pas de troubaire emé la testo dins li nivo, sian de fiéu de païsan li ped sus la terro, parlan lou patois e sian libre e lou restaren !!!.
Lou Presidènt de l'assouciacioun
Daniè FAUVELET