musicaire

.Responso à l’editouriau « darnié badai d’uno culturo » de Bernat Deschamp

Quouro sian intra dins l’Europo, cresiéu que li prouvençau aurien agu un tressaut pèr counserva soun identità pèr pas estre nega dins un mouvamen de moundialisacioun.. Vesen aro que li menaire Euroupan, volon pas entendre parla de regiounalisme. Avès vist que li anglés soun vengu dins l’Europo, pamens an counserva sa mounedo, e volon pas dóu sistèmo metrico. Pamens sian pas rancurous, l’anglés es de mai en mai utilisa dins lou coumerce e dins la vido vidanto. Acò fai deco e souventi-fes aquèu biais de faire es la causo d’aucident , avèn vist que de malaut èron irradia mai que ço que fau, li gènt de l’espitau èron pas fourma e lis esplicacioun pèr utilisa lou materiau èro en anglés. La lengo nostro aquelo de Frederi Mistral es parlado pèr uno minourita :Nostro generacioun ( 50/70 annado)….sian quauquis-un. -Belèu quauquis erudit. -Li jouine que l’aprenon à l’escolo pèr avedre de poun au bacheleirat e après ?

Li causo d’aquelo estagnacioun :

La mescladisso de la poupulacioun ( li gènt que soun vengu dins lou miejour pèr lou travai ,e souvènti-fes pèr lou soulèu).. Li media radio , televisioun que fan rèn pèr la culturo. Li pouliti que penso qu’à si reelecioun. Li garrouio de longo entre prouvençau e li óucitan. Li garrouio entr’ assouciacioun. Li que se dison prouvençau de la bono e que parlon lou franchimand dins tóuti li reunioun. Lou felibrige de que fai ? en deforo de la santo estello e de la distribucioun di cigalo entre li afouga. Dins la vido vidanto quant n’i’a que couneisson aquelo assouciacioun.. Basto, fin finalo anas me dire qu’es simple de faire de critico, es mai utile de faire de proupousicioun.

Coume faire pèr assaja de manteni aquelo identita prouvençalo.

D’en proumié assaja de parla aquelo poulido lengo dins tóuti lis óucasioun, dins li reunioun, li cous de prouvençau. À despart di troupo de tiatre e di pastouralo, dins lis associacioun foulclouri gaire de dansaire couneisson la lengo. Aven pas sachu evoulua, fau pas estre seitàri la majo part di gènt que soun afouga dins nostis assouciacioun parlon lou patois. Dins lou temps en defore de quauqui saberu degun sabié l’escriéure. Fau pas estre seitàri, dins li cous de prouvençau fau à la debuto utilisa de mot simple. Pèr ourganisa nosti manifestacioun fau pas agué crento de mescla li culturo( li tèms an vira, li courdello soun a pourta au museon ).
Enfin, dins un mounde ounte li sòu comton mai que l’ounour, pèr anima nosti vihado lou proumié couioun que parlo un pau la lengo ( e souventi-fes l’encaragnon) e que saup s’espremi en publi, se fai paga.
Ounte ei lou tèms ounte cadun avié un’istòri à racounta uno cansoun à proupousa, e lou pagamen èro li lipetarié adoubado pèr nosti femo e lou vin de l’amista.

Danié Fauvelet