musicaire

Ai rescountra ma mio


Ai resountra ma mio
Dilun,
Que s’en anavo vèndre
De fum,
Lun, fum, tôu ! ( refrin)

Ai resountra ma mio
Dimar,
Que s’en anavo vèndre
De lard,
Mar, lard, lun, fum, tôu ! ( refrin)

Ai resountra ma mio
Dimecre,
Que s’en anavo vèndre
De lèbre,
Mècre, lèbre, mar, lard,
Lun, fum, tôu ! ( refrin)

Ai resountra ma mio
Dijòu,
Que s’en anavo vèndre
De biòu,
Jòu, biòu, mècre, lèbre,
Mar, lard, lun, fum, tôu ! ( refrin)

Ai resountra ma mio
Divèndre,
Que s’en anavo vèndre
De cèndre,
Vèndre, cèndre, iòu, biòu
Mècre, lèbre, mar, lard,
Lun, fum, tôu ! ( refrin)

Ai resountra ma mio
Dissato,
Que s’en anavo vèndre
De pasto,
Sato, pasto,
Vèndre, cèndre, iòu, biòu
Mècre, lèbre, mar, lard,
Lun, fum, tôu ! ( refrin)


Ai resountra ma mio
Dimenche,
Que s’en anavo vèndre
De penche,
Menche, penche, sato, pasto,
Vèndre, cèndre, iòu, biòu
Mècre, lèbre, mar, lard,
Lun, fum, tôu ! ( refrin)

Ai resountra ma mio
Un jour,
Que s’en anavo vèndre
De flour,
Jour, flour, menche,
Penche, sato, pasto,
Vèndre, cèndre, iòu, biòu
Mècre, lèbre, mar, lard,
Lun, fum, tôu ! ( refrin)


Ai resountra ma mio
Un mes,
Que s’en anavo vèndre
De pes,
Mes, pes, jour, flour,
Menche, penche, sato, pasto,
Vèndre, cèndre, iòu, biòu
Mècre, lèbre, mar, lard,
Lun, fum, tôu ! ( refrin)

Ai resountra ma mio
Un an,
Que s’en anavo vèndre
De pan,
An, pan, mes, pes, jour, flour,
Menche, penche, sato, pasto,
Vèndre, cèndre, iòu, biòu
Mècre, lèbre, mar, lard,
Lun, fum, tôu ! ( refrin)

refrin

retorno-te, ma moi ) bis
retorno-te que plòu )



Aqueli mountagno


Aquèli mountagno
Que tant auto soun
M’empachon de vèire
Mis amour ount soun.


Auto, bèn soun auto,
Mai s’abeissaran,
E mis amoureto
Vers ièu revendran .


Avau dins la plano
I ‘à ‘n pibo trauca,
Lou couguiéu iè canto
Quand ié vai nisa


A la font de Nimes
I ‘a un améliè
Que fai de flour blanco
Au mes de Janvié.


S ‘aquéli flour blanco
Ero d’ameloun
Culiriéu d’amelo
Pèr ièu e pèr vous.


Refrin
Que cante e recante
Canto pas pèr ièu ;
Canto per ma migo,
Qu’es proche de ieu



Cansoun gardiano

Quand lou souleias rabino la plano
Que sus lis estang danson li belu
A ras dis engano;
Urous quau, bloucant sa sello gardiano,
S'envai libre e soul sout lou grand cèu blu
Quand lou souleias rabino la plano
Urous quau s'envai sout lou grand cèu blu.

Mai quouro, à l'errour, lou larg se rouviho,
Que sus mar, lou jour se vèi davala.
Darrié la mountiho;
Quand vers la palun la mounturo endiho,
Urous quau, gardian, vai s'encabana;
Mai quouro, à l'errour, lou larg se rouviho,
Urous quau, gardian, vai s'encabana;

Aro qu'an tourna li tèms d'abrivado,
Buten nòsti biòu sus li calada,
En revoulunado.
Au noum dóu païs e de la manado
Mantenen, gardian, noste vièi coumbat,
Aro qu'an tourna li tèms d'abrivado,
Mantenen, gardian, noste vièi coumbat.

Coumpagnoun, daut, daut, e parte à grand erre,
Entaiolo-te, sello toun chivau
Que te vènon querre;
Plego toun seden, aganto toun fèrre,
Pèr la tradicioun fau douna l'assaut;
Coumpagnoun, daut, daut, e parte à grand erre,
Pèr la tradicioun fau douna l'assaut.

Mi fraire gardian, sian qu'uno pougnado,
Mai sauvan la terro e l'us naciounau
De la mau-parado;
E belèu qu'un jour la Raço aubourado,
Boumbira, deliéuro, à noste signau
Mi fraire gardian, sian qu'uno pougnado,
Mai sauven la terro, e faguen signau.

Rabino: brûle Belu: étincelles
Engano: salicornes Errour: crépuscule
Palun: le marais Endiho: hennit
Abrivado: lancer des taureaux dans un village
Calada: lieu pavé Erre: à vive allure
Entaiolo-te: mets ta ceinture large Seden: corde tressée avec du crin
Fèrre: trident Mau-parado: catastrophe
Boumbira: bondira Delièure: libre



Canto cigalo

Lou soulèu ris e dardaio
E plòu de soun front reiau
De belu que sus li daio
Lusisson coume l’uiau


Apounde toun sègo-sègo
Au frou-frou di blad madur ;
Lou daiaire que li sègo
En t’ausènt iè mando dur.

Ta vido es courte, o cigalo !
Vives pau , mores en Jun ;
Mai toun canta nous regalo,
Tre que vèn lou mes de Jun.

Se lou vèspre au clar de luno,
Cansounejon li grihet ;
Tu, loou jour, cigalo bruno,
Cantes i fiò de Juliet.

Cigaleto, canto, canto !
Ta cansoun es de moun goust .
Que toun cha-cha que m’encanto
Dure tout lou mes d’Avoust !


Pièi, quand vendran li fresquièro,
Cigaleto, un bèu matin,
Endor-te dins li broutiero,
Urouso de toun destin.


Refrin

Fai brusi ti chimbaleto
E vivo l’estièu !
Proun de can ;o cigaleto ,
Valon pas lou tiéu.


La cansoun dis àvi


Lis óulivado. Frederi Mistral

Ounour à nostis àvi
Tant sàvi, tant sàvi,
Ounour à nòtis àvi
Qu'avèn pas couneigu

Refrin

An viscu,
An tengu
Nosto lengo vivo;
An viscu,
An tengu
Tant coume an pouscu!

Soungen qu'avans-courrèire,
Li rèire, li rèire,
Soungen qu'avans-courrèire,
Pèr nautre an courregu.

Refrin…….

Soungen q'uan fa mirando,
E grando, e grando,
Soungen q'uan fa mirando,
Sus lou Rose fourcu.

Refrin…….

S'avèn aquest terraire,
O fraire, o fraire
S'avèn aquest terraire,
Es qu'éli l'an agu.

Refrin…….

S'avèn lou vin de souco
En bouco, en bouco,
S'avèn lou vin de souco
Es lou vin qu'an begu.

Refrin…….

E manjan la seisseto
Rousseto, rousseto,
E manjan la seisseto
Di terro qu'an mougu.

Refrin…….


E pèr nous douna l'òli,
Tant jòli, tant jòli,
E pèr nous douna l'òli,
Soun gaubi a faugu.

Refrin…….

Tout ço qu'avèn de voio
Revoio, revoio,
Tout ço qu'avèn de voio
D'eli nous es vengu.

Refrin…….

Tout ço que nous rènd libre,
Felibre, Felibre,
Tout ço que nous rènd libre,
Lis àvi l'an vougu.

Refrin…….

De joio e d'agradanço
I danso, i danso,
De joio e d'agradanço
N'avien mai que d'escut.

Refrin…….

La gràci, fiho gaio,
Cascaio, cascaio,
La gràci, fiho gaio,
N'a pas li det croucu.

Refrin…….

Soun cant galoi e mounde
Au mounde, au mounde,
Soun cant galoi e mounde
Long-tèms a prevaugu.

Refrin…….

A Jano e Guihaumeto,
Mameto, mameto,
A Jano e Guihaumeto,
Tambèn am plasegu.

Refrin…….

Mai d'abord que fai traço
La raço, la raço,
Mai d'abord que fai traço
Fasen noste degu.

Refrin…….

Aparen lou repaire
Di paire, di paire,
Aparen lou repaire
Ounte nous an pascu.

Refrin…….

Urous lou que pòu viéure
Deliéure, deliéure,
Urous lou que pòu viéure
Aqui mounte es nascu.

Refrin…….

Se plòu un jour ou l'autre,
Sus nautre, sus nautre,
Se plòu un jour ou l'autre,
Sus èli a plougu.




.